केन्द्रीय मन्त्री प्रह्लाद सिंह पटेलले राजगञ्जको देवी चौधुरानी मन्दिरमा गरे पुजा-अर्चना

राजगञ्ज : केन्द्रीय पर्यटन तथा संस्कृति मन्त्री प्रह्लाद सिंह पटेलले आज राजगञ्जको देवी चौधुरानी मन्दिरमा गएर पुजा-अर्चना गरे। तिनीसित जलपाईगढीका भाजपा सांसद डा. जयन्त कुमार राय, राजगञ्ज विधानसभा केन्द्रका भाजपा प्रार्थी सुपेन राय लगायत पार्टीका अन्य नेतृत्वहरू उपस्थित थिए। यसपछि प्रह्लाद सिंह पटेलले राजगञ्ज विधानसभा आसनका भाजपा प्रार्थी सुपेन रायको समर्थनमा बेलाकोवा बजारमा चुनाउ प्रचार गरे। यस अवसरमा पत्रकारहरूसित कुराकानी गर्दै मन्त्री प्रह्लाद सिंहले शिकारपुरको देवीचौधुरानी मन्दिर एउटा पवित्र भूमि हो। यस मन्दिरमा पुर्खौँदेखि पुजा गर्दै आइरहेका परिवारहरूलाई सम्मान गर्नु उचित रहेको साथै उक्त मन्दिरलाई एउटा पवित्र भूमिको रूपमा स्वीकृति दिनुपर्ने तिनले बताए। विधानसभा चुनाउपछि यसबारे उचित पहल गर्ने प्रयास गरिनेछ भनी तिनले बताए।