सिलगढी नगर निगम नगरवासीहरूलाई सेवा प्रदान गर्न पूर्ण रूपमा विफल  रहेको छ :  अमित जैन

सिलगढी : सिलगढी नगर निगम साधरण मानिसहरूका लागि नागरिक सेवाहरू प्रदान गर्नमा पूर्ण रूपले विफल रहेको नगर निगमको विपक्षी दलका नेता अमित जैनले निगमको बोर्डमाथि आरोप लगाएका छन्। यसको साथै बोर्डले यदि मानिसहरूलाई चाँडै सेवाहरू प्रदान नगरे आन्दोलन शुरू गर्ने तिनले चेतावनी दिएका छन्। अमित जैनले आज पत्रकारहरूसित कुराकानी गर्दै भने, सिलगढी नगर निगमले विधवा भत्ता, जन्म एवम् मृत्यु प्रमाण पत्र ठीकसँगले दिएको छैन। जसले गर्दा साधरण मानिसहरूलाई धेरै असुविधा भइरहेको छ। यसैगरी, मैला उठाउने अस्थायी कर्मीहरूले वेतन पाएका छैनन्। यता, सिलगढी नगर निगमको उदासीनताको कारण सहरमा डेंगूको प्रकोप पनि बढ्दै गइरहेको तिनले आरोप लगाएका छन्। तिनले सिलगढी नगर निगमका मानिसहरूलाई उचित सेवा प्रदान गर्न पूर्ण रूपले विफल भएको छ भने सिलगढी नगर निगमको सेवाहरू सटिक रूपमा लागू गर्ने बारे कुनै प्रकारको पहल नगरेको बताए। सिलगढी नगर निगम आर्थिक रूपले जुझिरहेको कारणले गर्दा मानिसहरूले यसको सजाय भोग्न परिरहेका छन्। यदि यी विविध समस्याहरू आगामी सात दिनको अवधिमा व्यवस्थित नगरे आफुहरू आन्दोलन शुरू गर्न वाध्य हुने तिनले बताए। अर्कोतिर, सिलगढी नगर निगमका डिप्टी मेयर रञ्जन सरकारले विपक्षीले लगाएको आरोपलाई अस्वीकार गर्दै कुनै सही जानकारी बिनै लाइमलाइटमा आउनको लागि यस प्रकारको टिप्पणी गरिरहेको बताएका छन्। केही तकनीकि गढबढीको कारणले जन्म र मृत्यु प्रमाण पत्र सेवा बाधित भएको छ भने यसको शीघ्र समाधान गरिने तिनले बताएका छन्।