सिलगढी : मतिगढा थाना अन्तर्गत 31 नम्बर राष्ट्रिय राजमार्गमा आज बिहान एउटा यात्रीवाहक वाहन अनियन्त्रित भएर सडकमा पल्टिँदै तल खाल्डोमा खस्यो। उक्त घटनामा वाहन पूर्ण रूपमा क्षतिग्रस्त बनेको छ। स्थानीय मानिसहरूको सहयोगमा वाहनमा सवार 2 जना बाहिर निकालिइयो। प्राप्त जानकारी अनुसार आज बिहान एउटा यात्री वाहक वाहन सिलगढीदेखि बाघडुग्रातर्फ गइरहेको समय मतिगढाको सिटी सेन्टर मल नजिक वाहन अनियन्त्रित भएर दुर्घटनाग्रस्त भयो। स्थानीय मानिसहरूको सहयोगमा वाहनको शिशा फुटाएर वाहनमा फँसेका 2 जनालाई बाहिर निकालेर उपचारको लागि उत्तरबंग मेडिकल कलेज एवम् अस्पतालमा पठाइएको छ। हाल दुईजनाको शारीरिक स्थिति स्वाभाविक रहेको थाहा लागेको छ। घटनाको खबर पाएर मतिगढा थाना पुलिस घटनास्थलमा वाहन आफ्नो नियन्त्रणमा लिनको साथै घटनाको जाँच शुरू गरेको छ।