निखोज आईआरबी जवानको शव उद्धार

गेजिङ (निसं): सिक्किमको गेजिङबाट निखोज भएका आईआरबी जवानको शव उद्धार भएको छ। प्राप्त जानकारी अनुसार गत 8 जुलाई साँझदेखि निखोज भएका 29 वर्षीय छिरिङ भुटिया आज बिहान सेन्टमेरी स्कुल नजिकको खोल्सामा मृतक अवस्थामा फेला परेका छन्। तिनी गेजिङबाट गत 8 जुलाई साँझदेखि बेपत्ता भएका थिए भने स्कुटीसँगै खोल्सामा मृत अवस्थामा आज बिहान फेला परेका छन। मृतक भोटिया मूल रूपमा अप्पर क्याङ्सा निवासी हुन् भने तिनी हाल पिपलेमा आइआरबी-मा कार्यरत रहेका थिए भन्ने जानकारी प्राप्त भएको छ।