4 वर्षीय बालकको सिमेन्ट बोकेको ट्रकले किच्चाएर घटना स्थलमैं मृत्यु

जलपाईगढी, 22 मार्च (निसं): सिमेन्ट बोकेको ट्रकले एकजना 4 वर्षीय बालकलाई किच्चाउँदा तिनको घटनास्थलमैं मृत्यु भएको छ। घटनापछि शनिबार जलपाईगढीको नयापाडा क्षेत्रमा तनावको माहौल देखियो। मृतक बालकको नाम रवि राउत (4) बताइएको छ।
प्राप्त जानकारी अनुसार आज नयाँपाडा प्राथमिक पाठशालाको अगाडि सिमेन्ट बोकेको ट्रकले एकजना बालकलाई किच्चायो। घटनापछि स्थानीय मानिसहरूले उक्त ट्रकलाई रोकेर राखे। यसैबीच, आक्रोशित भीडले जलपाईगढी-सिलगढी राष्ट्रीय राज मार्गलाई अवरुद्ध गर्दै प्रदर्शन गर्यो । अर्कोतर्फ, घटनाको खबर पाएपछि कोतवाली पुलिस अनि ट्राफिक पुलिस घटनास्थलमा पुगेर स्थितिलाई नियन्त्रणमा ल्याए। स्थानीय मानिसहरूले आरोप लगाए अनुसार, आज स्थानीय कोल्ड स्टोरेजमा आलु भण्डारण गर्न आलु लोड गरिएका गाडीहरूको भीड थियो। दुर्घटना पनि भीडको कारण भएको हो। स्थानीय नयाँपाडा विद्यालयका शिक्षक अभिजीत दासगुप्ताले भने, विद्यार्थीहरू हरेक दिन विद्यालय आउँछन्। आज एउटा सिमेन्ट लोड गरेको ट्रकले बालकलाई किच्चाएको छ। यो दुखपूर्ण घटना हो।