अलीपुरद्वारमा आवसीय क्षेत्रबाट चितल मृगको बच्चा उद्धार

अलीपुरद्वार, 27 जनवरी (निसं)। वन विभागले अलीपुरद्वार क्षेत्रबाट चितल मृगको शावक उद्धार गरेको छ। आज बक्सा बाघ परियोजनाको जंगलबाट एउटा चितल मृगको शावक आवसीय क्षेत्रमा आएको थियो। शावक अलीपुरद्वारको दुई नम्बर ब्लकको छोटो चौकीर बस क्षेत्रमा घुमिरहेको थियो। शावक धेरै सानो थियो, जसले गर्दा त्यसले ठीकसँग हिँड्न सकिरहेको थिएन। यस क्षेत्रका स्थानीय मानिसहरूले मृगको बच्चालाई देखेपछि वन विभागलाई जानकारी दिएका थिए। जानकारी पाउनसाथ साउथ रायडाक रेञ्जका वनकर्मीहरु घटनास्थलमा पुगेर उक्त मृगको बच्चालाई उद्धार गरे। वन विभाग अनुसार, उक्त मृगको बच्चा केवल 10 दिनको हो। यति सानो शावक उक्त क्षेत्रसम्म कसरी पुग्यो भन्नेबारे वन विभागले जाँच शुरू गरेको छ।