बाघडुग्रा : बाघडुग्राको केष्टपुर मोडको एसियन हाइवेमा आज दिउँसो सडक पार गरिरहेको समय यात्री वाहक बसको धक्का लागेर एकजना चिया श्रमिक गम्भीर रूपमा घाइते भएका छन्। घाइते श्रमिक 24 वर्षीय महेन्द्र उरावको रूपमा चिन्हित गरिएको छ। घटनापछि गम्भीर घाइते अवस्थामा उक्त चिया श्रमिकलाई उद्धार गरेर बाघडुग्रा अस्पताल लगेपछि त्यहाँबाट उत्तरबंग मेडिकल कलेज एवम् अस्पतालमा पठाइएको छ। घटनापछि बस चालकले घटनास्थलबाट सुइँकुच्चा ठोके तापनि खलासीले नक्सलबारी थानामा आत्मसमर्पण गरे। स्थानीय मानिसहरूको घटनापछि सडक अवरोध गरेर विक्षोभ देखाए। घटनाको खबर पाएर बाघडुग्रा थाना पुलिस घटनास्थलमा पुगेर परिस्थिति नियन्त्रणमा ल्याउनको साथै घटनाको जाँच शुरू गरेको पुलिस सूत्रले जनाएको छ।