बाघडुग्रामा पोखरीमा डुबेर निखोज भएका व्यक्तिको शव उद्धार

बाघडुग्रा : पोखरीमा डुबेर निखोज भएका व्यक्तिको आज शव उद्धार भएको छ। मृतक व्यक्तिको नाम सौरभ बर्मन बताइएको छ। प्राप्त जानकारी अनुसार सौरभ बर्मन हिजो दुईजना साथीसित बाघडुग्राको पश्चिम धनसराजोतको शियाभिटा इलाकाको एउटा पोखरीमा नुहाउन गएको समय पोखरीमा डुबेर तिनी निखोज भएका थिए। घटनापछि एनडीआरएफ तथा दमकल वाहिनीले रातभरिनै व्यक्तिको खोजी शुरू गरे तापनि तिनको कुनै पत्तो लागेन। यसपछि आज बिहान स्थानीय मानिसहरू पोखरीमा व्यक्तिको शव तैरिरहेको देखे। पछि एनडीआरएफ टोली घटनास्थलमा पुगेर शव उद्धार गरेर पोस्टमार्टमको लागि उत्तरबंग मेडिकल कलेज एवम् अस्पतालमा पठाएको छ। मृतक व्यक्तिको स्वास्नी र दुईजना छोरी रहेको थाहा लागेको छ। उक्त घटनाले इलाकामा शोकको लहर छाएको छ।