कुचबिहार : मेखलीगञ्ज पुलिसले बङ्ग्लादेशी इलिस माछासहित तीनजना तस्करलाई पक्राउ गरेको छ। यसको साथै पुलिसले एउटा वाहन पनि आफ्नो नियन्त्रणमा लिएको छ। पक्रा पर्नेहरू कुचलीबाड़ी थाना इलाका निवासी विष्णुपद राय, विमल राय र रतन रायको रूपमा सामेल छन्। पुलिसले तिनीहरूबाट 42 किलो बङ्ग्लादेशी इलिस माछा उद्धार गरेको छ। उद्धार गरिएको माछा सीमा पार गरेर अवैध रूपमा बाजारमा बिक्री गर्नको निम्ति ल्याइरहेको बताइएको छ।