बेरोजगार युवाहरूको सहयोगको लागि अघि आयो जनमैत्री फाउन्डेसन

सिलगढी : नोकरीको खोजीमा यताउता भौतारी हिँडेका युवाहरूको सहयोगको लागि जनमैत्री फाउन्डेसन अघि आएको छ। आज सिलगढी जर्नलिस्ट क्लबमा एउटा पत्रकार सम्मेलनको आयोजना गरेर जनमैत्री फाउन्डेसनको तर्फबाट अन्तरिक्स अभिषेकले बताएअनुसार यसभन्दा अघि पनि उक्त संस्थाले बिहारमा काम गरिसकेको साथै अब तिनीहरूले बङ्गालका बेरोजगार युवाहरूको लागि पनि काम गर्न चाहेको बताए। यसको साथै संस्थाका सदस्यहरूले राज्य सरकार तथा केन्द्र सरकारमाथि कटाक्ष कसे। देशमा दिन-प्रतिदिन बेरोजगारी बढ्दै गइरहेको छ। यसलाई लिएर केन्द्र तथा राज्य सरकार दुवैले कुनै ठोस पहल नगरेकोले गर्दा नै नोकरीको आवश्यक रहेको युवाहरूको लागि नोकरी प्रदान गर्ने उद्देश्य लिएर संस्थाले एउटा टोल फ्री नम्बर जारी गर्ने भएको छ। उक्त टोल फ्री नम्बरमार्फत् फोन गरेर बेरोजगार युवाहरूले आफ्नो नाम दर्ता गर्न सक्ने साथै संस्थाको तर्फबाट यी युवाहरूललाई हरसम्भव सहयोग गर्ने तिनले बताए। समाजका युवाहरूलाई रोजगार दिन बाहेक संस्थाको अर्को उद्देश्य लागू पदार्थको लत लागेको युवाहरूलाई उचित मार्गदर्शन गर्नु रहेको तिनले बताए।