सीएए, एनसीआर र एनपीआर बङ्गालमा नमान्ने मुख्यमन्त्रीको दावी

बुनियादपुर: दक्षिण दिनाजपुर जिल्लाको बुनियादपुर शहरमा आज मुख्यमन्त्री ममता ब्यानर्जीले बुथकर्मी सभालाई सम्बोधन भाजपा सरकारको खोइरो खनिन्। तिनले भाजपालाई ईंगित गर्दै यो पार्टी देश बिक्री गर्न आएको तथा दिल्लीको सानो म्युनिसीपालिटीलाई समेत सम्हाल्न नसक्नेले कसरी देश चलाउन सक्छ भन्दै व्यङ्ग्य वाण प्रहार गरे। तिनले हालै दिल्लीमा भएको घटनाको पनि निन्दा गर्दै तिनीहरूको निधनमा शोक प्रकट गर्नको साथै हालसम्म अझ 700 जना मानिस निखोज रहेको आफुसमक्ष जानकारी रहेको तिनले बताइन्। भाजपाले लोकसभा चुनाउमा बङ्गालको कतिपय आसनमा जितेर पनि केही विकाश कार्य नगरेको दावी गर्दै तर आफुले जनताको आवश्यक्ता अनुसार विभिन्न परियोजनामार्फत सहयोग पुऱ्याइरहेको ममताले बताइन्। कहिले पनि केन्द्रलाई भीख नमाग्ने तिनले आफ्नो स्पष्ट अड़ान रहेको जनाइन्। यसको साथै सीएए, एनसीआर तथा एनपीआर बङ्गालमा आफुले नमान्ने बताइन्।