कोरोना योद्धाहरूको मनोबल बढाउन सिलगढीमा एम्बुलेन्स र्‍याली

सिलगढी : कोरोना योद्धाहरूको साथमा आफूहरू सदैव रहेको साथै मानिसहरूलाई कोरोनाबारे जागरूक गराउने उद्देश्य लिएर आज सिलगढीमा एम्बुलेन्स चालक संगठनले एम्बुलेन्सहरूको र्‍याली निकाल्यो। सिलगढीको सेभोक रोडदेखि शुरू गरेको उक्त र्‍यालीले सहरको विभिन्न पथहरूको परिक्रमा गर्यो। हाल कोरोना महामारीको समयमा आफू लगायत परिवारको पर्वाह नगरी डाक्टर, नर्स, पुलिस, पत्रकार लगायत विभिन्न सेवामा कार्यरत मानिसहरूले निस्वार्थ रूपमा कोरोना संक्रमितहरूको सेवा गरिरहेका छन्। यसैले यी कोरोना योद्धाहरूको मनोबल बढाउन साथै कोरोना महामारीको समयमा मानिसहरूलाई आतङ्कित नभएर सावधानी अप्नाउने सन्देश दिँदै आज सिलगढीमा एम्बुलेन्स चालक संगठनले उक्त र्‍यालीको आयोजना गरिएको बताइएको छ।