दाजुको हत्या गरेर शवलाई लुकाउने प्रयास, हत्यारा आरोपी भाई पक्राउ

कालचिनी (निसं): आफ्नै दाजुको हत्या गरेर शवलाई घरको एउटा कुनामा खनेर दफन गरे तापनि आरोपी भाई पुलिसबाट बाँच्न सकेनन्। अन्तमा पुलिसले हत्या आरोपीलाई पक्राउ गरेको छ। यो घटना कालचिनी ब्लकको बीच आगानस्थित मिडिल लाइनको हो। मृतकको नाम शोभन अन्सारी (35) हो भने हत्या आरोपी भाई जामिन अख्तर (28) हो। स्थानीय मानिसहरूले आज हाँसीमारा पुलिस आउट पोस्टमा गएर आरोपीलाई कठोर सडाय दिनु पर्ने मांग गरेका छन्। जामिन अख्तरले मंगलवार आफ्नो दाजु शोभन अन्सारीको हत्या गरेपछि तिनको शवलाई लुकाउन घरकै एउटा कुनामा खनेर गाडेका थिए। यसपछि जामिन अख्तर भागेका थिए। घटनाको दुई दिन पछि हाँसीमारा आउट पोस्ट पुलिसले आरोपी युवकलाई नागराकाटाबाट पक्राउ गरेको छ। आज आरोपीलाई अलीपुरद्वार अदालतमा पेश गऱ्यो। अर्कोतिर, स्थानीय मानिसहरूले हत्या आरोपीलाई कठोर सजाय दिनु पर्ने मांग गरेका छन्।