दार्जिलिङकी सुरभी थापाले ‘मिस नर्थइस्ट सुपर मोडल’को जितिन् उपाधि

दार्जिलिङ (निसं): दार्जिलिङको राजबारी निवासी सुरभी थापाले मिस नर्थइस्ट सुपर मोडलको उपाधि जितेर आफ्नो गृहनगरलाई गौरवान्वित पारिन्। यो उल्लेखनीय उपलब्धिले उनलाई यो प्रतिष्ठित प्रतियोगिता जित्ने पहिलो मिस दार्जिलिङको रूपमा चिनाएको छ। लोरेटो कन्भेन्ट, दार्जिलिङ र डा. ग्राहम होम्स, कालेबुङमा अध्ययन गरेकी सुरभी एकजना गौरवशाली छात्रा हुन्। सौन्दर्य प्रतियोगिताको संसारमा मात्र होइन, तिनी एकजना कुशल खेलाडी पनि हुन्। उनले राज्य स्तरको ब्याडमिन्टन खेलमा एकजना दक्ष खेलाडीको रूपमा आफ्नो क्षमता देखाएकी छन् भने तिनी एकजना मान्यता प्राप्त स्टेज 2 ब्याडमिन्टन अम्पायर पनि हुन्। अकादमिक रूपमा निपुण, सुरभीले सिक्किम मणिपाल विश्वविद्यालयबाट समाजशास्त्रमा स्नातकोत्तर पूरा गरेकी छन् साथै आफ्नो विविध प्रतिभा र क्षेत्रहरूमा सक्षम बन्न सफल भएका छिन्।