डाक्टरहरूको हडतालले सिलगढी जिल्ला अस्पतालको आउटडोर बन्द, चिकित्सा सेवाहरू बाधित

सिलगढी,17 अगस्त (निसं): आरजी कर घटनाको विरोधमा आईएमए-को आह्वानमा डाक्टरहरूले 24 घण्टा हडताल शुरू गरेका छन्। यसले गर्दा चिकित्सा सेवाहरू बाधित बन्न पुगेको छ। सबै अस्पतालहरूमा आउटडोर बन्द गरिदिएको छ। यस्तै परिदृश्य सिलगढी जिल्ला अस्पताल लगायत अन्य ठाउँहरूमा पनि देखिँदैछ। उत्तर बंगालको विभिन्न ठाउँसहित यता, सिलगढी अनि यसको संलग्न इलाकावासी चिकित्साको लागि उत्तरबंग मेडिकल कलेज एवं अस्पताल अनि  सिलगढी जिल्ला अस्पतालमाथि निर्भर छ। प्रत्येक दिन बिमारीहरू चिकित्साको लागि टाढा-टाढाबाट यहाँ आउने गर्छन्।  तर, आरजी कर घटना पछि डाक्टरहरूको हडतालले गर्दा बिरामीहरूले धेरै असुविधाको सामना गर्न परिरहेका छन्। आज शनिवार देशभरिमा नै डाक्टरहरूले बोलाएको हडतालको कारण बिरामी तथा तिनका परिवारका सदस्यहरू असुविधामा परेका छन्। सिलगढी जिल्ला अस्पतालमा पनि आज आउटडोर सेवा बन्द रहेकोले गर्दा बिमारी तथा तिनका परिवारका सदस्यहरूले असुविधाको सामना गर्न परेपछि क्षोभ प्रकट गरेका छन्।