सिलगढी : भाजपा एक नम्बर मण्डल कमिटीको पहलमा डाक्टर श्यामा प्रसाद मुखर्जीको 120औँ जन्म जयन्तीको अवसरमा आज एउटा रङ्गारङ शोभायात्रा निकालिइयो। दार्जिलिङ जिल्लाका सांसद राजु विष्टको उपस्थितिमा दार्जिलिङ मोड़ संलग्न मल्लागढी हनुमान मन्दिरबाट एउटा रङ्गारङ शोभायात्रा निकालेर सहरको विभिन्न इलाकाहरूको परिक्रमा गर्यो।
यस अवसरमा दार्जिलिङ जिल्ला सांसद राजु विष्टले आज महापुरुष डाक्टर श्यामा प्रसाद मुखर्जीको जन्मजन्यती हो, जसले जम्मु-कश्मिरलाई भारतको अभिन्न अंग बनाएर राखेका थिए। यति मात्र नभएर तिनले जनसंघको पनि स्थापना गरेर देशलाई राष्ट्रभक्तहरू दिएका थिए। आजको दिन बंगाल लगायत सम्पूर्ण भारतवर्षकै लागि अति नै गर्वको दिन हो भन्दै भाजपाले डाक्टर श्यामा प्रसाद मुखर्जीको जन्मजन्यती धुमधामको साथमा पालन गरेको तिनले बताए।