डम्पर र म्याजिक वाहन ठोक्किँदा 6 जना घाइते

नक्सलबारी : नक्सलबारीको आशापुर चियाकमानको सडकमा डम्पर र म्याजिक वाहन आपस्तमा ठोक्किँदा 6 जना यात्री घाइते भएका छन्। प्राप्त जानकारी अनुसार डम्परको चक्का फाट्दा डम्पर अनियन्त्रित भएर यात्री बोकेको म्याजिक वाहनसित ठोक्किँदा म्याजिकमा सवार 6 जना यात्रु घाइते भएको बताइएको छ। घाइतेहरूलाई उद्धार गरेर नक्सलबारी अस्पतालमा भर्ना गरेपछि 4 जना यात्रुलाई प्राथमिक उपचार गरेर छुट्टी दिएको छ भने गम्भीर रूपमा घाइते 2 जना हाल उपचाराधीन अवस्थामा छन्। उक्त घटनापछि डम्पर चालकले घटनास्थलबाट सुइँकुच्चा ठोकेको छ। नक्सलबारी पुलिसले घटनाको जाँच शुरू गरेको छ।