फुलबारी सीमा चेकपोस्टबाट बङ्ग्लादेशमा बोल्डर निर्यात शुरू

राजगञ्ज : फुलबारी सीमा चेकपोस्टबाट बङ्ग्लादेशमा बोल्डर निर्यात गरिने कार्य आजदेखि शुरू भएको छ। दुवै देशका व्यवसायीहरूको पहल अनि प्रशासनको सहमतिमा नै आजदेखि बोल्डर निर्यात कार्य शुरू भएको बताइएको छ। हाल, बङ्ग्लादेशबाट कुनै प्रकार सर-समानहरू आयात गरिएको छैन। बोल्डर केवल भुटान र पश्चिम बंगालबाट मात्र पठाइने गरिन्छ। लकडाउनको नियमहरू पालन गरेर निर्यात शुरू गरिएको व्यापारीहरूले बताए। बोल्डर बोकेको वाहनलाई सेनिटाइज गर्नको साथै चालकको स्वास्थ्य जाँच गरेपछि मात्र वाहनलाई सीमा पारी जाने अनुमति दिएको छ। भुटान र पश्चिम बंगाल मिलाएर दिनमा मोठ 100 वटा ट्रकलाई मात्र जाने प्रशासनले अनुमति दिएको छ। प्राप्त जानकारीअनुसार बोल्डर बोकेको ट्रक बङ्ग्लादेशमा प्रवेश गरेपछि चालकहरूलाई विशेष आवश्यकता बिना ट्रकबाट ओर्लिने अनुमति नदिइने साथै चालकहरूले आफूसँग सुक्खा भोजन र आवश्यक चिज राख्ने अनुमति दिएको बताइएको छ। लोडिङ र अनलोडिङ गर्दा सामाजिक दूरी बनाएर राख्नुपर्नेछ। यस सम्बन्धमा बीएसएफका एकजना अधिकारीले बताएअनुसार जिल्लाशासकको अनुमति अनुसार फुलबारी सीमा चेकपोस्टको माध्यमद्वारा बोल्डर निर्यात शुरू गरिएको छ। बङ्ग्लादेशमा बोल्डर बोकेको ट्रक जाने अनि आउने क्रममा स्वच्छताको नियमहरू पालन गरेको छ अथवा छैन यसको जाँच गरिरहेको तिनले बताए। अर्कोतिर, धेरै समयपछि बोल्डर निर्यात शुरू भएकोले यस व्यवसायसित संलग्न मानिसहरू, व्यवसायी, ट्रक चालकहरू खुशी भएका छन्।