गाजोलडोबा, 25 अप्रेल (निसं): गाजोलडोबामा रहेको टिस्टा ब्यारेज पुल 140 दिनका लागि बन्द हुने भएको छ, किनभने यसको नवीकरण कार्य सुरु हुँदैछ। कामको अवधिमा ब्यारेजमा सवारीसाधनको आवागमन पूर्ण रूपमा बन्द रहनेछ। यद्यपि, पैदल हिँड्न पाइनेछ। यो निर्णय मंगलबार जलपाइगुड़ी जिल्ला प्रशासन र टिस्टा ब्यारेज अधिकारीहरूबीचको बैठकमा लिएको हो।
जलपाइगढी जिल्ला परिषद्का सभाधिपति कृष्णा राय बर्मनले बताए अनुसार गाजोलडोबाको टिस्टा ब्यारेजको अवस्था निक्कै खराब भइसकेको छ। कुनै पनि समयमा सानो वा ठूलो दुर्घटना हुनसक्ने अवस्था छ। त्यसैले पुलको नवीकरण कार्य शुरु गरिँदैछ। यो काम 27 अप्रेलबाट शुरू भएर लगभग 140 दिनसम्म चल्नेछ। यो सूचना सबैलाई जानकारी गराउन बीडीओ र स्थानीय पञ्चायतहरूलाई पठाइएको छ।