गाडी र बाइक ठोक्किँदा बाइकमा सवार एकजना गम्भीर घाइते

राजगञ्ज, 13 दिसम्बर (निसं): राजगञ्जको बेलाकोवा-गेटबजारको प्रधानपाडा क्षेत्रमा गाडी र बाइक आपस्तमा ठोक्किँदा एकजना व्यक्ति गम्भीर घाइते भएका छन्। स्थानीय सूत्र अनुसार बिहीबार राति प्रधानपाडा क्षेत्रमा बेलाकोवा जान लागेको एउटा चारचक्के सवारी गाडी बाइकसँग ठोक्कियो। गाडीले बाइकलाई धेरै परसम्म घिसारेर लगेको बताइएको छ। यसपछि स्थानीय नागरिकहरूले गाडीलाई रोक्नको साथै आक्रोशित भीडले गाडी तोडफोड गरे। यद्यपि, मौका हेरेर चालकले घटनास्थलबाट चम्पट कसे। उक्त घटनामा बाइक चालक गम्भीर रूपले घाइते भएका छन्। स्थानीय मानिसहरूको सहयोगमा घाइतेलाई उद्धार गरी स्थानीय ग्रामीण अस्पताल पठायो। अर्कोतिर, घटनाको सूचना पाएपछि बेलाकोवा आउटपोस्ट पुलिस तुरुन्तै घटनास्थलमा पुगेर गाडीलाई नियन्त्रणमा लिएर घटनाको विस्तृत जाँच सुरु गरेको छ।