कावाखालीको टाउनशिपमा भयावह आगलागी

सिलगढी, 29 नोभेम्बर (निसं): सिलगढी संलग्न कावाखालीको उत्सधारा टाउनशिपमा भीषण आगलागी हुँदा क्षेत्रभरि अफरा-तफरी मच्चियो। प्राप्त जानकारी अनुसार, आज स्थानीय वासिन्दाहरूले टाउनशिप भित्रको जङ्गलमा आगो बल्दै गरेको देखे, हेर्दा-हेर्दै आगोले विकराल रूप धारण गरेर अझ फैलिन थाल्यो। त्यसपछि तत्कालै यसको जानकारी दमकल विभागलाई दिइयो। खबर प्राप्त भएपछि दमकलका दुई वटा गाडी घटनास्थलमा पुगेर आगोलाई पूर्ण नियन्त्रणमा ल्यायो। तर, आगो कसरी अनि कसले लगायो भन्ने कुरा अझसम्म थाहा लाग्न सकेको छैन।