एनजेपीमा हकरहरूको पुर्नवासको मागमा आईएनटीटीयुसी-द्वारा र्‍याली तथा ज्ञापन

सिलगढी : रेल मन्त्रालयले एनजेपी स्टेसनको सौन्दर्यीकरणको योजना स्वीकार गरेपछि रेलवे विभागले काम शुरू गरेको छ। रेल स्टेसन संलग्न इलाकामा रहेको हकर तथा केही बस्तीहरू उच्छेद गर्नको लागि रेलवे विभागले नोटिस जारी गरेको छ। यसैले तृणमूलको श्रमिक संगठन आईएनटीटीयुसीले आज हकरहरूको पुर्नवासको माग गर्दै आन्दोलन गरे। आईएनटीटीयुसी एनजेपी शाखाका सदस्यहरूले आज र्‍यालीको माध्मयमद्वारा रेलवे कार्यालयमा पुगेर अधिकारीसित भेट गरेर एउटा ज्ञापन पत्र चढाए। उक्त ज्ञापन पत्रमा हकरहरूको पुर्नवासको माग उल्लेख गरेको छ। संगठनका दार्जिलिङ जिल्ला सभापति निर्णय दे-ले बताएअनुसार उक्त संगठन विकासको पक्षमा रहेकोले गरिब मानिसहरूलाई उच्छेद गर्ने रेलवे विभागको निर्णयलाई स्वीकार गर्नेछैन। हकरहरूलाई पुर्नवासको व्यवस्था गरिदिएर मात्र उच्छेद गर्ने यदि यसो नगरेको खण्डमा आगामी दिनमा वृहत् आन्दोलन गर्ने तिनले चेताउनी दिएका छन्।


Leave a Reply

Your email address will not be published. Required fields are marked *