पेङ्गोलिनसहित चारजना पक्राउ

कुचबिहार:  वन विभाग अनि बीएसएफका जवानहरूले संयुक्त अभियान चलाएर एउटा पेङ्गोलिनसहित चारजनालाई पक्राउ गरेको छ। पक्रा पर्नेहरूमा साहीनूर आलम, जहीरुल इस्लाम, दिलवर हुसैन र अबेद अली सामेल छन् । प्राप्त जानकारी अनुसार मंगलवार राति गोप्य सूचनाको आधारमा वन विभाग र बीएसएफका जवानहरूले बालाभूत ग्राम पञ्चायत अन्तर्गत छावकुटी गाउँमा अभियान चलाएर चारै जनालाई पक्राउ गरेको हो। तिनीहरूबाट एउटा पेङ्गोलिन पनि उद्धार गरेको छ। उक्त पेङ्गोलिन तस्करी गर्नको लागि तिनीहरूले लगिरहेका थिए।