राजगञ्जको एउटा दोकानमा चोरी

राजगञ्ज : राजगञ्ज ब्लकको एउटा रासन दोकानमा चोरी भएको छ। गत अबेर राति राजगञ्ज ब्लक अन्तर्गत माझियाली ग्राम पञ्चायतको मनुआगछ इलाकामा रहेको एउटा रासन दोकानमा केही दुष्कृतिहरूले दोकानको ताला भत्काएर नगद 90 हजार रुपियाँ सहित सर-समानहरू चोरी गरेको बताइएको छ। दोकान मालिक सुनील रायले बताएअनुसार हिजो राति तिनी दोकान बन्द गरेर घर गए। यसपछि आज बिहान तिनी दोकान खोल्न आउँदा दोकानको ताला भत्केको अवस्थामा रहेको देखेपछि दोकान भित्र पसेर हेर्दा दोकानमा चोरी भएको थाहा पाए। घटनाबारे पुलिसलाई खबर दिएपछि आमबारी आउटपोस्ट पुलिस घटनास्थलमा पुगेर छानबीन गर्नको साथै घटनाको जाँच शुरू गरेको बताइएको छ।