राजगञ्जमा आगो लागेर 2 वटा घर भष्म, घरको मालिक घाइते

राजगञ्ज, 15 नोभेम्बर (निसं): राजगञ्जमा एउटा घरमा आगो लागेको घटनाले इलाकामा हडकम्प मच्चियो। आगो निभाउने प्रयास गर्दा घरको मालिक घाइते भएका छन्। यो घटना बिहीबार राति राजगञ्जको फाटापुकुर संलग्न गाठियागञ्ज गाउँमा घटेको हो।
प्राप्त जानकारी अनुसार, तारिकुल मोहम्मदको घरमा राति आगो लाग्यो। त्यसबेला तारिकुल र उनकी पत्नी घरमा थिएनन्। आगो लागेको खबर पाएपछि उनीहरू तुरुन्तै घटनास्थलमा पुगे। उक्त आगलागीको घटनामा दुईवटा घर जलेर खरानी भएको छ। आगो निभ्याउने प्रयासमा घरका मालिक तारिकुल घाइते भएका छन्। स्थानीय मानिसहरूले सबैभन्दा पहिला आगो निभाउने भरमग्दुर प्रयास गरे। पछि घटनाको खबर पाएर फूलबारीबाट दमकलको गाडी घटनास्थलमा पुगेर आगोलाई पूर्ण नियन्त्रणमा ल्यायो। घटनापछि घाइते तारिकुललाई राजगञ्ज ग्रामीण अस्पतालमा उपचारको लागि लगियो। प्रारम्भिक अनुमान अनुसार आगो सर्ट सर्किटको कारणले लागेको हुन सक्ने बताइएको छ।