साँझ 6 बजेपछि सिलगढीको सेभोक रोडस्थित हार्डवेयर दोकानहरू बन्द

सिलगढी : हाल देशभरिमै कोरोनाको संक्रमण बढ्दै गइरहेको छ। कोरोनाको दोस्रो लहरले धेरैजना मानिसहरू संक्रमित भइरहेका छन्। यसैले कोरोनाको संक्रमणलाई ध्यानमा राखेर सिलगढीको सेभोक रोडको सबै हार्डवेयर दोकानहरू साँझ 6 बजीदेखि बन्द राख्ने निर्णय लिएको छ। हार्डवेयर मर्चेन्ट एसोसिएशन र मोटर पाटर्स डीलर्स एसोसिएशनको तर्फबाट उक्त निर्णय लिएको हो। ईस्टर्न एबीसी च्याम्बर अफ् कमर्स एन्ड इन्डस्ट्रीका संयोजक तथा नर्थ बंगाल इन्डस्ट्री एसोसिएशनका सचिव सुरजीत पालले बताएअनुसार कोरोना भाइरसको बढ्दो संक्रमणलाई रोक्ने उद्देश्य लिएर बिहान 10 बजीदेखि साँझ 6 बजीसम्म हार्डवेयर दोकानहरू खुल्ला राख्ने निर्णय लिएको हो। यदि आवश्यक परेको खण्डमा केही हप्तासम्म दोकान बन्द राखिने तिनले बताए।