सालुगढाको बीएसएफ क्याम्पमा चोरी गर्ने चोर पक्राउ

सिलगढी, 20 नोभेम्बर (निसं): सालुगढाको बीएसएफ क्याम्पमा केही दिनदेखि लगातार सानो-तिनो चोरीका घटनाहरू भइरहेको थियो। कहिले पानीको नल, कहिले बिजुलीका तार र अन्य सामानहरू चोरी भएको थियो। यसपछि यी घटनाहरू बारेमा बीएसएफले भक्तिनगर थानामा लिखित अभियोग दर्ता गऱ्यो। सोही अभियोगको आधारमा घटनाको जाँच गर्दै भक्तिनगर थानाको पुलिसले मङ्गलबार चोरलाई पक्राउ गरेको छ। पक्रा परेका चोरको नाम राकेश मिस्त्री बताइएको छ।
जानकारी अनुसार, राकेश मिस्त्री फेरि पनि बीएसएफ क्याम्पमा चोरी गर्न पुगेका थिए, तर यस पटक चोरी गर्दा तिनी रंगे हात पक्रा परे। पुलिसले आरोपीबाट चोरी गरिएको सामान फेला पारेको छ। भक्तिनगर थाना पुलिसले आरोपी राकेश मिस्त्रीलाई आज जलपाईगढी अदालतमा पेश गरेका छन्। पुलिसले उक्त घटनाको विस्तृत जाँच गरिरहेको छ।