सिलगढीमा घीउ चोरी गरेको आरोपमा युवक पक्राउ

सिलगढी : खालपाडा आउटपोस्ट पुलिसले घीउ चोरी गरेको आरोपमा एकजना युवकलाई पक्राउ गरेको छ। पक्रा परेका युवक टिकियापाडा निवासी मोहम्मद नीरजको रूपमा चिन्हित गरिएको छ। प्राप्त जानकारी अनुसार मोहम्मद नीरजले गत केही दिन अघिदेखि नयाँ बजार इलाकास्थित एउटा घीउको गोदामबाट मोठ 72 हजार रुपियाँको घीउ चोरी गरेर बिक्री गरिदिएको बताइएको छ। उक्त गोदामका मालिकले हिसाब मिलाउँदा गोदामको स्टकमा घीउ कम्ती रहेको थाहा पाए। यसपछि घीउ व्यवसायीले थानामा यसबारे लिखित अभियोग दर्ता गरे। अभियोगको आधारमा जाँचमा जुटेका पुलिसले एक दिनको अवधिमै घीउ चोरलाई पक्राउ गर्नको साथै चोरी गरेको घीउ पनि उद्धार गरेको छ। खालपाडा आउटपोस्ट पुलिसले घटनाको जाँच शुरू गरेको छ।