सिलगढी महकुमा परिषदमा हात्तीको संरक्षणबारे आलोचना सभाको आयोजना

सिलगढी : मानिसहरूको असहयोगको कारण हात्तीहरूको मृत्यु भइरहेको छ। यदि यस्तो स्थिति रहे हात्तीहरूको संख्यामा कमी आउनेछ, जसले गर्दा प्राकृतिक सन्तुलन पनि खराब हुनेछ। यी सबै कुराहरूलाई ध्यानमा राखेर पशु प्रेमी संगठन सलिटरी नेचर एन्ड एनिमल प्रोटेक्शन फाउन्डेशन (SNAP)-ले हात्तीको मृत्यु रोक्न साथै हात्तीलाई बचाउनको लागि आन्दोलन गर्ने भएको छ। अर्कोतिर, वाइस फर एशियन एलिफेन्ट सोसाइटी-ले पनि यस आन्दोलनलाई समर्थन गरेको छ। सिलगढी महकुमा परिषदको हलमा आज हात्तीहरूको संरक्षणलाई लिएर एउटा सभाको आयोजना गर्यो। उक्त सभामा वाइस फर एशियन एलिफेन्ट सोसाइटी-का एग्जिक्युटिभ डाइरेक्टर सङ्गीता अय्यरले प्रोजेक्टरको माध्यमद्वारा हात्तीहरूको संरक्षणको आवश्यकताबारे बताइन्। उक्त सभामा वाइल्ड लाइफ रिसर्चर अरित्र खेत्री, स्नाप (SNAP) फाउन्डेशनका एग्जिक्युटिभ डाइरेक्टर कौस्तव चौधरी लगायत अन्य उपस्थित थिए। अर्कोतिर, क्यालिफोर्नियाबाट आएकी सङ्गीता अय्यरले भनिन्, भारतमा सरकारले मानिसहरूको विकासको लागि काम गरिरहेको छ तर सरकारले हात्ती लगायत अन्य जनावरहरूको विकासको बारेमा सोचेको छैन। यदि हात्ती छैन भने भविष्यमा मानिसहरूलाई जीवित रहनु कठिन हुनेछ। यसैले गर्दा अब हामीले राज्य सरकार र केन्द्र सरकारसित मिलेर हात्तीहरूलाई बचाउनको लागि केही उपायहरू गरिरहेका छौँ। मानिसहरूलाई जागरूक गराउनको साथै अन्य केही कार्यक्रमहरूको आयोजना गरिरहेका छौँ। यसैगरी, एग्जिक्युटिभ डाइरेक्टर कौस्तव चौधरीले भने, मानिसहरूलाई बारम्बार चेताउनी दिए तापनि हात्तीमाथि हमला जारी रहेको छ। वन विभागले हात्तीहरूला बचाउनको लागि लगातार कार्य गरिरहेको छ। तर उपकरण तथा तक्निकी कमीको कारण वन विभागले हात्तीको संरक्षणको लागि आवश्यक उपाय गर्न सकेको छैन। यसबारे विभिन्न विभागहरूमा आवेदन गरे तापनि समस्याको समाधान भएको छैन। यसैले आगामी दिनमा यस विषयलाई लिएर आन्दोलन शुरू गरिने तिनले बताए।