सिलगढी सुब्रत संघको खूट्टी पूजासँगै दुर्गोत्सवको तयारी शुरू

सिलगढी: कोरोना परिस्थिति सामान्य भएपछि सिलगढीको विभिन्न क्लबहरूले भव्य रूपमा यस वर्षको दुर्गा पूजाको तयारी शुरू गरिरहेको छ। आज बुधवार सिलगढीको सुब्रत संघले  खूट्टी पूजा सहित दुर्गोत्सवको तयारी शुरू गरेको छ। सिलगढीको देशबन्धुपारा सुब्रत संघको दुर्गा पूजा यस वर्ष 65 औं वर्षमा प्रवेश गरिरहेको छ भने यस वर्ष सुब्रत संघको पुजाको थिम ‘सोबुच कङ्क्रीट‘  रहेको छ।

सुब्रत संघका सदस्य भाष्कर बिश्वासले भने, गत दिई वर्ष क्लबको फण्ड अनि सदस्यहरूको सहयोगमा सामान्य पूजा गरियो। यस वर्ष स्थिति सामान्य भएकोले पुन: भव्य रूपमा पूजाको आयोजना गरिने निर्णय लिएको छौ। विगत वर्षहरूमा झैं यस वर्ष पनि सुब्रत संघको तर्फबाट दुर्गा पूजाले शहरका मानिसहरूको ध्यान आफ्नो तर्फ आकर्षित गर्नेछ भनी तिनले बताए।