सिलगढी (निसं): दार्जिलिङ लोकसभा आसनबाट तृणमूल काङ्ग्रेसका उम्मेदवार गोपाल लामाको समर्थनमा सिलगढीका मेयर गौतम देवले नक्सलबारीमा चुनाउ प्रचार गरे। बुधवार मेयर गौतम देवले सिलगढी महकुमा परिषदका सभाधिपति अरुण घोषसित नक्सलबारीको दक्षिण कोटियाजोत, उत्तर कोटिया अनि देशबन्धु पाडामा चुनाउ प्रचार अभियान चलाए। यस अवसरमा मेयरले मानिसहरू समक्ष पुगेर तृणमूल उम्मेदवार गोपाल लामालाई भोट गर्ने अनुरोध गरे। मेयर गौतम देवले भने, नक्सलबारीका मानिसहरूसित मेरो अघिदेखि नै सम्पर्क छ। मानिसहरू हाम्रो अभियानमा उत्साहित भएर सामेल भइरहेका छन्। हामीलाई जनतामाथि आशा र विश्वास छ। चुनाउमा राम्रो रिजल्ट आउनेछ।
अर्कोतिर, दार्जिलिङ लोकसभा केन्द्रका भाजपा प्रत्याशी राजू बिष्टमाथि कटाक्ष कस्दै मेयरले भने, विधायक बीपी बजगाईंको भूमिपुत्रको दावी उचित छ।