बिनिता खम्बु राई विनय खेमामा सामेल

दार्जिलिङ : सामाजिक कार्यकर्ता तथा खम्बु राई समुदायको नेतृत्व गर्दै आइरहेकी बिनिता खम्बु राई गोजमुमो विनय खेमामा सामेल भइन्। आज दार्जिलिङमा तिनले विनय अनि अनित थापाको नयाँ सोँच, नयाँ विचारको नेतृत्वलाई समर्थन जनाउँदै आधिकारिक रूपमा गोजमुमोमो सामेल भइन्। तिनलाई पार्टी अध्यक्ष विनय तामाङ अनि महासचिव अनित थापाले आफ्नो पार्टीमा स्वागत जनाए। यस अवसरमा गोजमुमो केन्द्रीय उपाध्यक्ष सतीश पोख्रेल, नारी मोर्चा नेत्री श्रीमती छिरिङ दाहाल पनि उपस्थित थिए।