चुनाउको मुखैमा गोरामुमो-का संस्थापक सदस्य रबीन लामाको राजीनामा

खरसाङ (निसं): पञ्चायत चुनाउको ठीक एक दिन अघि आज शुक्रबार गोर्खा राष्ट्रिय मुक्ति मोर्चाका संस्थापक सदस्य तथा खरसाङ ब्राञ्चका पूर्व सचिव रबीन लामाले पार्टी अनि साधारण सदस्यताबाट पनि राजीनामा दिएका छन्। तिनले एउटा प्रेष विज्ञप्ति मार्फत यसबारे जानकारी गराएका छन्। तिनले राजीनामा दिनुको मुख्य कारण पार्टीका शीर्ष नेतृत्वहरूले कुनै पनि कार्य गर्दा एकल निर्णय लिइने गरेकोले गर्दा नै तिनको पार्टीबाट भरोसा उडेको बताएका छन्। लामाले आफू गोरामुमो पार्टीमा संस्थापक अध्यक्ष सुवास घिसिङ अनि पार्टीको सिद्धान्तलाई हेरेर आजसम्म पार्टीमा रहेको भए तापनि आजपर्यन्त पार्टीमा त्यो नरहेको जनाएका छन्।