कर्णल केशव राईको अगुवाईमा भुतपूर्व सैनिकहरू गोजमुमोमा सामेल

दार्जिलिङ: गोर्खा जनमुक्ति मोर्चाको दार्जिलिङस्थित पाइन-ट्री प्रेक्षाग्रृहमा आज एउटा विशेष सभाको आयोजना पार्टी अध्यक्ष बिनय तामाङ अनि महासचिव तथा जीटीए चेयरम्यान अनित थापाको उपस्थितिमा गरियो। उक्त सभामा बर्तमान गोजमुमो (विनय खेमा) का नेतृत्वहरुको काम गराई अनि सोँचको कदर गर्दै 38 बर्षसम्म देशको सुरक्षा गरेर अवकाश ग्रहण गरेका साथै अबदेखि वर्तमान नयाँ सोँच नयाँ बिचारलाई आन्तरिक रुपमा समर्थन गर्दै यहीं संगठनमा रहेर जातिको उत्थानको निम्ति कार्य गर्ने बिचार प्रस्टसँग पोख्दै अहिलेसम्म कुनै राजनैतिक दलमा नरहेको तर अबदेखि यसै संगठनमा रहेर आफ्नो जातीको भलाई तथा विकाशको भावी कार्यहरू गर्ने अवकाश कर्णल केशव राईले विचार प्रकट गरे।

आजको कार्यक्रममा अवकाश कर्णल केशव राईकै अगुवाईमा तिनका सबै सहयोगी भुतपूर्व सैनिकहरू आजदेखि आधिकारिक रूपमा गोर्खा जनमुक्ति मोर्चा पार्टीमा सामेल भएका छन। तिनीहरूलाई पार्टीका अध्यक्ष तथा महासचिवले खदा-माला लगाईदिएर स्वागत जनाए।