गान्तोक रानीपुलमा वाहन दुर्घटना हुँदा 7 जना गम्भीर रूपमा घाइते

गान्तोक: सिक्किमको राजधानी गान्तोक नजिक 7 माईल, रानीपुल सिलिन्डर गोदाम नजिक दुईवटा मालवाहक ट्रक अनि एउटा इनोभा वाहन ठोक्किँदा 7 जना गम्भीर रूपमा घाइते भएका छन्। प्राप्त जानकारी अनुसार बुधबार बिहान गान्तोकदेखि रानीपुलतर्फ गइरहेको सामान बोकेको एउटा ट्रक अनियन्त्रित भएर अघिल्तिर रहेको ट्रक अनि इनोभालाई ठोक्कर दिँदा उक्त दुर्घटना भएको बताइको छ।

उक्त दुर्घटना अवधि इनोभामा सवार रहेका 7 जना व्याक्ति गम्भीर रूपमा घाइते भएका छन्। उक्त दुर्घटना पछि तत्कालै घाइतेहरूलाई उद्धार गरेर मणिपाल अस्पतालमा भर्ना गरेपछि हाल तिनीहरू उपचाराधिन अवस्थामा छन्।