माध्यमिक परीक्षामा सिलगढीका जुनैना आठौँ स्थानमा

सिलगढी : सिलगढीको सेभोक रोडस्थित सारदा शिशुतीर्थका विद्यार्थी जुनैना परबीनले माध्यमिक परीक्षामा 686 अङ्क प्राप्त गरेर आठौँ स्थान हासिल गरेर परिवार लगायत सिलगढीलाई गौरान्वित तुल्याएकी छन्। माध्यमिक परीक्षाको रिजल्टको आज घोषणा गरियो। माध्यमिक परीक्षाको परिणाम तालिकामा आठौँ स्थान हासिल गरेकोमा जुनैना लगायत तिनका परिवारका सदस्यहरू निक्कै खुसी छन्।

तिनका बाबु जाकिर हुसेन पर्यटन व्यवसायमा संलग्न छन् भने कोरोनाले गर्दा पर्यटन व्यवसायमा निक्कै प्रभाव परेकोले तिनका परिवारले आर्थिक संकट झेलिरहेको थियो। तथापि, तिनका बाबुले छोरीको पढाईमा भने यसको कुनै प्रभाव पर्न दिएनन्। जुनैना को डाक्टर बन्ने इच्छा रहेको छ। माध्यमिक परीक्षाको रिजल्टमा तिनले आठौँ स्थान ओगटेको सुनेपछि धेरैजना मानिसहरू तिनको घरमा पुगेर बधाई तथा शुभकामना दिए।