माल वाहक ट्रकबाट तेल चोरी गरेको आरोपमा 3 जना पक्राउ

सिलगढी : रोकेर राखेको माल वाहक ट्रकबाट तेल चोरी गरेको आरोपमा 3 जनालाई पक्राउ गरेपछि आज सिलगढी अदालतमा पेश गर्यो। उक्त घटना फाँसीदेवाको ग्वालाटोली मोड संलग्न 31 नम्बर राष्ट्रिय राजमार्गमा घटेको हो। पक्रा परेकाहरूमा विक्रमलाल फुलेरिया, पिटुलाल फुलेरिया र जुलाल फुलेरिया सामेल छन्। तिनीहरू सबै मध्यप्रदेश निवासी हुन्। प्राप्त जानकारी अनुसार फाँसीदेवा थाना पुलिसले गोप्य सूचनाको आधारमा एउटा वाहनलाई रोकेर छानबीन गर्दा डिजल, पाइप, तेलको ड्रम लगायत विविध सामग्री उद्धार गरेको बताइएको छ। यसपछि पुलिसले माल वाहक ट्रकबाट तेल चोरी गरेको आरोपमा 3 जनालाई पक्राउ गरेको छ। पुलिसले घटनाको जाँच शुरू गरेको छ।