मिरिकको चारवटा समष्टिका मोर्चा केन्द्रीय समिति सदस्यहरूमाझ बैठक

मिरिक: गोर्खा जनमुक्ति मोर्चा मिरिक क्षेत्रका चारवटा समष्टिका केन्द्रीय समिति सदस्यहरु विनोद खालिङ (सहसचिव केन्द्रीय समिति),  गौरी खनाल, डा. काशीनाथ खनाल, डङ्कन गुरुङ र रुपेश राई माझ एउटा सभा सम्पन्न भयो। मिरिक नोल डाँड़ामा सम्पन्न भएको उक्त सभालाई विनोद खालिङले अध्यक्षता गरेका थिए भने पुर्ण सिंह राईले सञ्चालन गरेका थिए। सभामा पार्टीले मिरिक क्षेत्रका विभिन्न साङ्गठनिक क्रियाकलाप कसरी अघि बढाएर लैजान सकिन्छ भन्ने बिषयमा चर्चा भएको बताइको छ। यसको साथै सभामा चाँडै मिरिक महकुमा समितिलाई लिएर सभा गर्ने र दिशा निर्देशन गरिने सहमति बनेको छ। यसवाहेक, मिरिक महकुमा समिति अधिनस्थ रहेको चारवटा समष्टिका अध्यक्ष, सचिव अनि विभिन्न भातृ संगठनका पदाधिकारीलाई लिएर पनि सभा गरिने सहमति भएको जानकारी प्राप्त भएको छ।