मिरिकमा निर्माणधीन तामाङ युथ होस्टलको विभागीय अधिकारीहरूद्वारा निरीक्षण

मिरिक : राज्यको युथ डिपार्टमेन्टको स्पेसियल सेक्रेटेरी अनि जोइन्ट सेक्रेटेरीले मिरिकमा निर्माणधीन तामाङ युथ होस्टलको आज स्थलगत भ्रमण गर्दै निरीक्षण गरे। विभागीय मन्त्रीद्वारा निरीक्षणको लागि सचिवद्वयलाई पठाएकोले दुवैले स्थलगत निरीक्षण गरेर यसबारे रिपोर्ट तयार गरेर लगे। उक्त रिपोर्ट मन्त्रीकहाँ पुगेपछि दोस्रो बजट पास हुने साथै उक्त बजट प्राप्त भएपछि मार्च महिनाको अवधिमा होस्टेल पूर्ण रूपमा तयार भइसक्ने तामाङ विकास बोर्डका चेयरम्यान सञ्जय मोक्तानले बताए। तिनले तामाङ युथ होस्टेल तामाङ समुदायको एउटा धरोहर रहेको बताउँदै यसलाई संरक्षण र सम्वर्द्धन गर्न मिरिकका तामाङ समुदाय अघि आउनुपर्ने तिनले सबैलाई आहवान पनि गरे।