मुख्यमन्त्रीको निर्देशपछि नक्सलबारीमा पिउने पानीको कार्य शुरू

नक्सलबारी : मुख्यमन्त्रीको निर्देशपछि नक्सलबारी हात्तीघिसाको सेवदोल्लाजोतमा पिउने पानीको कार्य युद्धस्तरमा चलिरहेको छ। हिजो मुख्यमन्त्री ममता ब्यानर्जीको निर्देशपछि ट्याङ्करको माध्यमद्वारा नक्सलबारीको सेवदोल्लोजोतमा पिउने पानी पुर्‍याइएको थियो। प्राप्त जानकारी अनुसार पिउने पानीको समस्यालाई लिएर उक्त गाउँका मानिसहरूले अदालतसमक्ष गुहार लगाएका थिए। जनहित मामिलाका जस्टिस अभिजीत गङ्गोपाध्यायको आदेशपछि जनवरी महिनामा पिउने पानी उपलब्ध गराउने उद्देश्यले पाइप लाइनको काम जोडतोडले शुरू गरिएको छ। लोक स्वास्थ्य एवम् प्रौद्योगिकी विभागको पहलमा गाउँमा पाइप लाइनको काम शुरू भएपछि गाउँलेहरू खुसी छन्। स्थानीय मानिसहरूले बताएअनुसार हाल ट्याङ्करको माध्यममा ल्याइएको पिउने पानी लिइरहेका छौँ। यसको लागि मुख्यमन्त्री ममता ब्यानर्जीलाई गाउँलेहरू धन्यवाद दिएका छन्।