खरसाङ (निसं) : एनएफ रेलवे कर्मचारी युनियन खरसाङ शाखाले आज युनियन कार्यालय खरसाङमा भारत रत्न डा. बीआर अम्बेडकरको 132 औँ जन्म जयन्ती मनायो। यस कार्यक्रममा प्रमुख अतिथिका रूपमा स्टेशन सुपरिटेन्डेन्ट खरसाङका मिङ्मा शेर्पा थिए भने विशिष्ट अतिथिको रूपमा महानदी स्टेशन मास्टर संगम खाती उपस्थित थिए।
युनियनका शाखा सचिव विशाल मुखियाले सञ्चालन गरेको कार्यक्रमलाई खरसाङ शाखा अध्यक्ष डिमु लेप्चा लामाले अध्यक्षता गरेकी थिइन्। कार्यक्रममा बाबा साहबको जीवन र योगदान बारेमा आजका मुख्य अनि प्रमुख अतिथिहरूले आ-आफ्नो मन्तव्य राखे औ तिनीहरूको बाहुलीबाट डा. अम्बेडकरको तस्वीरमा धुप-दीप प्रज्वलन तथा माल्यार्पण गरियो भनी युनियनकी अध्यक्ष डिमु लेप्चा लामाले जानकारी दिएका छन्।