साहूडांगी-गन्डर मोड स्टेट हाई वे-मा पिकअप भ्यानको धक्काले सुरक्षा गार्डको मृत्यु

राजगञ्ज, 9 नोभेम्बरः होटलमा खाना खान जान लागेको समयमा सडक दुर्घटनामा परेर एकजना सुरक्षा गार्डको मृत्यु भएको छ। यो घटनाले क्षेत्रवासीहरूमा सनसनी मच्चिएको छ। शुक्रबार राति साहूडांगी-गन्डर मोड स्टेट हाइ वे अन्तर्गत सरदारपाडा क्षेत्रमा उक्त घटना भएको हो। मृतकको नाम अमल पाल, उमेर लगभग 58 वर्ष बताइएको छ। उनको घर बालुरघाटमा रहेको जानकारी प्राप्त भएको छ।
स्थानीय मानिसहरूले बताए अनुसार, अमल पाल बालरामको पावर ग्रिडको नजिकको गोदाममा सुरक्षा गार्डको काम गर्दै आइरहेका थिए। दैनिक रूपमा जस्तै उनी सडक पार गरेर एउटा होटलमा खाना खान जान लागेका थिए। त्यसैक्रममा गन्डर मोडबाट तीव्र गतिमा आइरहेको एउटा पिकअप भ्यानले तिनलाई धक्का दिँदा घटनास्थलमैं उनको मृत्यु भएको बताइएको छ।
स्थानीय व्यक्तिहरूको भनाई अनुसार गोदामको अगाडी प्रायः ठूलो सवारी साधनहरू पार्क गरिएको रहन्छ, जसका कारण पैदल यात्रुहरूको लागि जोखिमपूर्ण परिस्थिति उत्पन्न हुँदछ।
घटनाबारे जानकारी पाएपछि क्यानल मोड ट्राफिक आउटपोस्ट र अमबाडी आउट पोस्ट पुलिस घटनास्थलमा पुगेर मृतकको शवलाई उद्धार गर्नको साथै शवलाई पोस्टमर्टमका लागि उत्तरबंग मेडिकल कलेज एवं अस्पतालमा पठाइदिएको छ। पुलिसले घटनाको जाँच शुरु गरेको छ।