टिस्टा स्कुलमा विद्यालय प्रेक्षा गृह एवम् विज्ञान भवनको शिलान्यास

टिस्टा (निसं): गोर्खाल्याण्ड क्षेत्रिय प्रशासनका प्रमुख कार्यपाल अनित थापाले आज तकलिङ पेसोक समष्टि अन्तर्गत पर्ने टिस्टामा अवस्थित टिस्टा ब्रिज उच्चतर माध्यमिक विद्यालय भवनमा विद्यालय प्रेक्षा गृह एवम् विज्ञान भवनको शिलान्यास गरे। जीटीए प्रमुख थापाले आफ्नो सम्भाषणमा भने, “भोलिको दिनमा अनित थापा भन्दा राम्रो लिडर आयो भने उसैलाई जनताले भोट हालेर जिताउनेछ। जनताले अब बुझी सक्यो भोट हालेर गोर्खाल्याण्ड आउँदैन। अब भोट जनताले काम गर्नेलाई हाल्नेछ।”
उक्त शिलान्यास कार्यक्रम अवधि क्षेत्रीय सभासद मणि प्रसाद राई पनि प्रमुख रूपमा उपस्थित थिए। तिनले आफ्नो सम्भाषणमा भने, नानीहरूको भविष्यको निम्ति नै स्कुल भवन निर्माण भएको हो। अब यस स्कुलमा विज्ञान भवन बनिने छ। आज हाम्रो काम बोलेको प्रत्यक्ष रूपमा देखेका छौं। स्कुल असल व्यक्ति बनाउने फ्याक्ट्री हो। यसैगरी
भागोप्रमो नेता विशाल राई ‘टिस्टे’ले पनि आफ्नो सम्बोधनको क्रममा भने, ड्राइभर, सडकमा काम गर्ने गरीब आमा-बाबाका छोरा-छोरीहरुले घरको भात खाएर पनि विज्ञान पढ्नु सक्ने बनाउने व्यक्ति अनित थापा हुन्। घरी-घरी यस्तो सकारात्मक विचार बोकेर आउने नेतृत्व हामीले पाउनु सक्दैनौं। हामीले तिनलाई माया गर्नु सक्नु पर्छ।