तृणमूलका मन्त्री लगायत विधायक नारदा काण्डमा पक्राउ :  सीबीआई कार्यालयमा विक्षोभ प्रदर्शन

कोलकाता : तृणमूलका मन्त्री फिरहाद हाकिम, सुब्रतो मुखर्जी, विधायक मदन मित्र अनि कोलकाताका पूर्व मेयर सोमन च्याटर्जीलाई आज बिहान नारदा घोटाला काण्डमा संलग्न रहेको आरोपमा सीबीआईले कार्यालयमा लिएर गए। तथापि, यसै नारदा काण्डमा संलग्न रहेको आरोपी भाजपाका नेता शुभेन्दु अधिकारी र मुकुल रायलाई भने पक्राउ गरिएन। उक्त घटनाको जानकारी पाएपछि मुख्यमन्त्री ममता ब्यानर्जी तत्कालै सीबीआई कार्यालयमा पुगिन्। तिनले सीबीआई अधिकारीहरूसित कानुन अनुसार स्पीकर अनि राज्य सरकारको अनुमति बिना तिनीहरूलाई पक्राउ गर्न नसकिने दावी गरिन्। तृणमूल सूत्रले बताएअनुसार भाजपा गत विधानसभा चुनाउमा पराजित भएपछि तिनीहरूको पक्राउ राजनैतिक षड्यन्त्र मात्र हो। यसको साथै मन्त्री फिरहाद हाकिम र सुब्रतो मुखर्जी, विधायक मदन मित्र अनि पूर्व मेयर सोमन च्याटर्जीलाई पक्राउ गरेर सीबीआई कार्यालयमा ल्याएको थाहा पाउन साथ तृणमूल समर्थकहरूले कार्यालयको परिसरमा उक्त घटनालाई लिएर विक्षोभ प्रदर्शन गरे।