20 वटा गाई-भैसीसहित दुई जना पक्राउ

फूलबारी, 19 दिसम्बर (निसं): अनौठो तरिकाले गाई-भैसीहरूको तस्करी गर्ने प्रयास गरिएको थियो तर न्यू जलपाईगढी थाना पुलिसले गोप्य सूचनाको आधारमा फूलबारी संलग्न गठमा बारी क्षेत्रमा अभियान चलाएर गाई भैसीहरू बोकेको एउटा लरी जफत गर्यो। उक्त लरीबाट 20 वटा गाई-भैसीहरू उद्धार गरिएको छ। यसको साथै, यस घटनामा दुई जना व्यक्तिलाई पनि पक्राउ गरिएको छ। भूसको बोराहरूको आडमा गाई-भैसीहरूको तस्करी गरिरहेको थियो। प्राप्त जानकारी अनुसार यी गाई भैसीहरूको तस्करी बिहारबाट असम तर्फ गरिरहेको थियो। उक्त घटनामा पुलिसले लरी चालक र सह-चालकलाई पक्राउ गरेको छ। आरोपीहरूलाई शुक्रबार जलपाईगढी जिल्ला अदालतमा पेश गरिने बताइएको छ।