500 ग्राम ब्राउन सुगर सहित एकजना पक्राउ

विधाननगर : विधाननगर थाना पुलिसले गत राति 500 ग्राम ब्राउन सुगर सहित एकजना व्यक्तिलाई पक्राउ गरेपछि आज सिलगढी अदालतमा पेश गर्यो। पक्रा परेका व्यक्ति मालदा निवासी मोहम्मद आजिजुल रहमानको रूपमा सामेल छन्। प्राप्त जानकारी अनुसार गत राति विधाननगर बजार संलग्न एउटा घरमा अभियान चलाएर पुलिसले ब्राउन सुगर, नगद 10 हजार रुपियाँ लगायत केही कागजपत्र उद्धार गरेको छ। पुलिस सूत्रले दिएको जानकारीअनुसार गत जनवरी महिनामा मालदा निवासी मोहम्मद आजिजुल रहमानले विधाननगरमा एउटा घर भाडामा लिएका थिए। तिनले मालदाबाट ब्राउन सुगर ल्याएपछि उक्त घरबाट विभिन्न ठाउँमा बिक्री गर्ने गरेको साथै जफत गरेको ब्राउन सुगरको अनुमानित बजार मूल्य लाखौँ रुपियाँ रहेको बताइएको छ। घटनाको जाँच शुरू गरेको पुलिस सूत्रले जनाएको छ।