50 लाख रुपियाँको याबा ट्याबलेट सहित 2 जना पक्राउ

जलपाईगढी : एसटीएफ तथा जलपाईगढी कोतवाली थाना पुलिसले जलपाईगढी 31 डी राष्ट्रिय राजमार्गमा संयुक्त अभियान चलाएर 50 लाख रुपियाँको याबा ट्याबलेट सहित दुईजना तस्करलाई पक्राउ गरेपछि आज जलपाईगढी अदालतमा पेश गर्यो। प्राप्त जानकारी अनुसार धेरै मात्रामा याबा ट्याबले तस्करी गरिरहेको एसटीएफले गत अबेर राति गोप्य सूचना पाएपछि अभियान चलाएर एउटा ट्रकलाई रोकेर छानबीन गर्दा 70 हजार याबा ट्याबलेट उद्धार भएको बताइएको छ। यसको साथै घटना ट्रक चालक र खलासीलाई पक्राउ गरेको छ। जफत गरेको उक्त ट्याबलेटको अनुमानित बजार मूल्य 50 लाख रुपियाँ रहेको साथै उक्त याबा ट्याबलेट कोलकाता लगिरहेको बताइएको छ।