7 दिसम्बरदेखि शुरु हुने सिलगढीमा 42औं उत्तरबंग पुस्तक मेला

सिलगढी, 5 दिसम्बर (निसं): 42औं उत्तरबंग पुस्तक मेला आगामी 7 दिसम्बरको दिन सिलगढीमा शुरु हुने भएको छ। उक्त पुस्तक मेला कञ्चनजङ्घा स्टेडियम मेला परिसरमा आयोजना गरिने भएको छ। यसभन्दा अघि 6 दिसम्बरको दिन सिलगढी शहरमा एउटा रंगारंग शोभायात्रा निकालिइनेछ। आज पत्रकार सम्मेलनको आयोजना गर्दै मेयर गौतम देवले यस बारेमा जानकारी दिएका छन्। मेयरले भने, पुस्तक मेला उद्घाटन कार्यक्रममा अनिर्बान चक्रवर्ती र एकेन बाबू, प्रसिद्ध लेखिका अर्पिता सरकार पनि उपस्थित हुनेछन्। गत वर्षको तुलनामा पुस्तक मेलामा सहभागी प्रकाशनहरूको संख्या बढेको छ र केही नयाँ प्रकाशनहरू पनि यस वर्ष मेलामा सहभागी हुनेछन्। यस वर्ष लगभग 94 प्रकाशनहरू यस पुस्तक मेलामा भाग लिन आउँदैछन्।