आग्नेयास्त्र सहित एकजना पक्राउ

सिलगढी : सिलगढी नगरनिगम चुनाउ अगावै एनजेपी पुलिसले एउटा देशी आग्नेयास्त्र सहित एकजना व्यक्तिलाई पक्राउ गरेको छ। पक्रा परेका व्यक्ति बाबुन सूत्रधरको रूपमा चिन्हित गरिएको छ। गोप्य सूचनाको आधारमा पुलिसले एनजेपी संलग्न जाबराभिटामा अभियान चलाएर एउटा देशी पिस्तोलसहित बाबुन सूत्रधरलाई पक्राउ गरेको बताइएको छ। पक्रा परेका व्यक्तिविरुद्ध थानामा अगावै केही मामिला दर्ता रहेको साथै घटनाको जाँच शुरू गरेको पुलिस सूत्रले जनाएको छ।