असामाजिक तत्वहरूद्वारा सिलगढीमा महापुरुषहरूका मूर्तिहरू तोड्ने प्रयास, थानामा अभियोग दर्ता

सिलगढी, 12 नोभेम्बर: सिलगढीको 47 नम्बर वार्डमा स्थापित गरिएका 10 जना महापुरुषहरूका मूर्तिहरू तोड्ने प्रयास गरेको घटनाले सनसनी मच्चिएको छ। प्राप्त जानकारी अनुसार, केही समय अघि मेयर गौतम देवले यी महापुरुषहरूका मूर्तिहरूको उद्घाटन गरेका थिए। तर गत राति केही असामाजिक तत्वहरूले यी मूर्तिहरूमा ईंट्टा र ढुङ्गा फ्याँकेको आरोप रहेको छ।
आज बिहान स्थानीय मानिसहरूले घटनाको जानकारी पाएपछि वार्ड पार्षद अमर आनन्दो दास घटनास्थलमा पुगेर निरीक्षण गरे। त्यसपछि उनले प्रधान नगर थानामा एउटा लिखित अभियोग दर्ता गराएका छन्। यस घटनामा वार्ड पार्षद अमर आनन्दो दासले भने, “केही समय पहिला मात्र 10 जना महापुरुषहरूका मूर्तिहरू राखिएका थिए, जसको उद्घाटन मेयर गौतम देवले गरेका थिए। तर गत राति केही असामाजिक तत्वहरूले वार्ड र शहरको शान्तिलाई भङ्ग गरेर अशान्ति सृजना गर्नको लागि महापुरुषहरूका मूर्तिहरू तोड्न ईंट्टा र ढुङ्गा फ्याँके।” उनले आरोपीहरूलाई पक्राउ गरेर कडा कार्वाही गर्न माग गरेका छन्।